Me mihi ka tika ki a koutou ngā whakahaere o tēnei kaupapa, kāre e kupu hei whakamanawa ki a koutou i tēnei wā.
Maha aku akoranga i roto i tēnei whakangungu hei whakawhanake i ahau anō nei i taku taha matihiko.
Mōhio pai e maha tonu ngā akoranga mō tēnei momo ao engari e koa ana i tēnei wā i tutuki pai i tēnei kaupapa, ko te manako nei ka haere tonu ēnei whakangungu ki te whakapiki i te māramatanga me te mōhiotanga hei painga o te hunga tamariki.
Tēnei te mihi tuatahi nei ki te kaupapa kua hora nei ki mua i a tātou.
He akoranga hou tēnei mōku ki tēnei ao o te computational thinking, ā, i kite i tēnei momo hua hei whāngai atu ki aku tamariki,ā, kare e kore ka eke panuku ēnei tamariki ki tēnei momo ao matihiko anō nei ki tēnei momo ao anō ko te waehere, ka mutu ko te tāhūrua hei whakakīnaki i te kaupapa nā te mea e kite i te rāweketanga o te mahi nei kia whai hua, kia whai oranga ki roto i tētahi mahi/kaupapa/matihiko. (koina te tino painga ki ngā tamariki)
Nui rawa ngā akoranga kua mau nei,ā, nā te rongo hoki o tēnei kupu te "empower", ā , ko tēnā tētahi o ngā pou o te whare e whakatū ana i te whare o Manaiakalani.
Me kī koinei tētahi o ngā tino aronga o te pou nei i tino pā nei ki ahau, arā tērā momo wairua kia whakatutuki i ngā hiahia o te tamaiti i roto i tōna ao,ā, kia kaua e whakaiti engari kia whakanui i tōna nei taera, i tōna nei oranga ahakoa te aha nā te mea koinei te ao o te tamaiti inaiānei.
Ka mutu hei whakakapi ka waiho nei i tēnei kōrero.
The greatest joy comes from Empowering students to...
Kei te pakari, kei te whanake ki tēnei ao matihiko, ka mutu nā te tautoko, te poipoi me te manaaki mai te ohu o Manaiakalani kua kite nei i te whakapono o ngā matapono e puta mai nei ki ēnei whakangungu, ka tika me mihi.
Kua tino kite hoki i te noho pūmau ki te wā , nā runga i te maha o ngā kaupapa me whakahaere ki roto i te rā kotahi, he nui rawa,ā, kei te kite i te ngakaunuitanga o koutou ki te mahi.
Rawe te kite hoki i ngā momo pokatata, ka mutu te whakamahi i ngā aheinga ki te taha o te chromebook me te ipad anō nei ki ngā purere hiko o tēnā, o tēnā.
Ka mutu ki te taha o te ako, te tohatoha me te hanga, i tino rawe te kite ia te wā i roto i ngā mahi.
Ki te taha a Vicki me tōna mahi hapara workspace, he momo akoranga hou tērā, ā, i poipoi, i arataki i a ia mātou katoa ki tērā kaupapa.
Puku kata hoki au i tēnā kupu UBIQUITOUS. aue ! i hea taua kupu? Ktk.
Heoi ka tahuri ki te arotake o te kaupapa nā runga i te pā mai o te mate korona,
Kua tino poho kereru au i runga i te maiatanga kei roto i ahau ki te kawe i ēnei pukenga hei awhina i ahau i te ao matihiko, ka mutu ko te pouritanga, kāre au i ako tēnei i mua ake i tā tātou nei noho uruta nei engari ko te mea nui kei te ako inaiānei kia whakarite pai ake mēnā ka pēnei anō tātou.
Kei te whakamahi i te screencast hei tango/rīkoata i aku mahi me ngā whakamārama kia arahi i āku akonga i roto i ngā mahi.
I tēnei wā, nā te mea kei te noho kāinga tonu mātou kāre he take i te mea ko te nuinga o ngā mahi kua tukuna kē,ā, mā te whānau te tērā haepapa.
Waihoki ko te manako nei i te wā ka hoki ki te kura, ka tino whai wā ki te rāweke ki ēnei momo akoranga.
Rawe katoa ngā mahi, ngā whakaritenga, anō nei ki te wānanga, ki te whakawhiti hoki.
Hei whakakapi e tika ana me whakanui i te reo Māori, i te reo rangatira nā reira ka waiho au i tēnei kiriata.
Rawe ngā mahi i te rā nei, me kī kua whanake haere ahau i tēnei mahi ki te hanga i te google site mō taku akomanga nei. (koinei te wawata)🤣
ko ngā akoranga katoa he rawe, he pai, waihoki me noho puku ahau i tētahi o ngā rā ki te tino whakarite i te google site kia tino mau i ngā whakaritenga, heoi he tīmatanga tēnei mōku, engari i tēnei rā ko te whāinga kia whakarite i taku google site,ā, i tutuki pai nei.
Ko te mea nui ki au kei te ako ahau i ēnei hei whakahoki ki taku akomanga kia tākoha ki aku tamariki, anō nei kei te puta mai ngā whakaaro mō te ao matihiko me te whakaaro kei te huri te ao hoki ki tēnei momo, kāre e kore ka pērā hoki aku tamariki o te akomanga.
Rawe hoki ngā whakaritenga o ngā kaiwhakahaere ki tēnei mahi DFI,ā, te mahitahi hoki o tēnā, o tēnā hei hapai i te kaupapa nei, kua kite nei e kaha whakaaro ana koutou ki a mātou i runga i te oranga o tā mātou nei noho nei.
Ka mutu, nā runga i te whakawātea i ahau ki te noho kāinga,(Aotearoa) me tino kaha tonu au ki te rāweke ki te whakawhanake i ahau anō i roto i ēnei mahi
Ia wiki, ia wiki kua ako e au i tētahi/ētahi rānei o ngā mahi mai te DFI.
Kua tino wāia atu ki ngā momo āhuatanga o te ao matihiko,ā, ka mutu e hīkaka ana ki te whakahoki ēnei ki āku tamariki ako.
Hei tapiri atu kua tīmata ki te whakatipu ēnei ki roto i taku mahi-ā- ipurangi i te taha o āku tamariki nā runga i te noho kāinga, nā reira kei te kite i ngā hua e puta mai.
Kāre he kupu, tu atu i te harikoa ki tēnei momo wāhanga o te google site nā runga i te mea kei te kite ka tino harikoa āku tamariki ki tēnei momo mea te hanga,te rāweke,te auahatanga hoki.
Heoi me kaha wero i ahau anō kia whakawhanake i ngā mahi ētahi wā, anō nei, kei te kite e noho mokemoke nei te iwi Māori i roto i te taha o ngā rauemi ki te tākoha, ki te awhi mā runga i te ipurangi.
Ka mutu ko tētahi wāhanga pea hei awhina i ahau ko te taha ki te whakarite i ngā rauemi,ā, te taha ki te kimi,ki te rapu rānei,ā, mēnā ka hanga, kei hea e tīmata ai pea.
Engari e harikoa tonu ana ki ēnei momo wheako, akoranga kua tau mai ki runga i ahau.
Kei te waia haere ki ngā momo akoranga, heoi i tēnei rā kua kite me whakawhanake tonu au ki te taha o te raraunga me te hanga patapatapātai.
Anō nei he nui rawa ngā mahi kei mua i ahau, heoi mā te rāweke i ngā momo akoranga ka mau nei.
Waihoki nā runga pea i ngā whakaritenga o te noho mohoao nei, tērā pea me whai wā anō ki ngā kai whakahaere kia whakarite ki te taha o tōku akomanga.
-Mymaps 👍
-Google sheet 👍
-Google forms👍
Hei whakakapi ko tētahi wāhanga i whai panga nei, hei awhina mō āku tamariki ko te whakawhanake i te taha o te rangitaki,ā, te whakawhiti kōrero kia kounga,kia ngaio hoki te tuhituhi, rawe te rongo i tērā o ngā momo rautaki hei tukuna, hei awhina.
Nei rā te mihi kia tātou katoa ngā mata o te ao rangitaki.
Nui rawa ngā mahi i te rā,ā, ia wiki, ia wiki e rata pai nei ki ēnei momo akoranga ka kapo nei ki tēnei momo whakangūngū.
Ko ngā mahi ako, rata pai au ki ngā mahi,ā, ko te taha o ngā momo āhuatanga/āheinga kei roto i te tata o te tiriata, rawe rawa atu tērā, ka mutu ko te tāmau, tētahi akoranga tino pai ki ahau.
Rata hoki ki te taha o te kūkara tā me te kūkara pāheke, kei runga noa atu ērā, ko te mea harikoa o ēnei, ka āhei ki te whakahoki ēnei ki roto i te akomanga, i te kura rānei hei akoranga mō āku tamariki, ka mutu kei te kite e āhua mōhio rātou ki ēnei momo nekehanga. 😂.
Hīkaka mō ngā whakangūngū ka heke mai,ā, e kite nei ko te taha o te podcast hoki tētahi aronga ka whakauru i roto i te kura kia whakaatu i tētahi momo rautaki ki te taha o te reo matatini mō ngā tamariki.
Ānei taku reo kapo.
Kia pai ngā rā whakatā, "Nāku te rourou, nāu te rourou, ka ora ai te iwi."
Kāti rā, e mihi ana kia koutou. Nui ngā akoranga i whakatau mai ki runga i ahau i te rā nei, ā, kua tino whai honohono ki tēnei momo ao akoranga o te hangarau matihiko.
Kua tīmata ki te wāia haere ki ngā momo tohuwāhi, ngā takiwātanga, ka mutu ko tāku e aro tonu nei ko te mōhiotanga kei reira ērā,ā, kāore au e hoki atu ki te whārangi hou ki te pātoto i tērā ipurangi😂.
Ko tētahi o ngā aronga i tino whai pānga ko te taha ki te "google keep" he taputapu tēnā ka tino kite e au hei whakamahi i roto i tāku mahi kaiako, rawe tērā kūkara hāpai.
Ka mutu ko tētahi o ngā kitenga hei whakawhanake i ahau anō, ko te taha ki te hanga i te maramataka, te hanga hui me te hopu hui, he momo pukenga hou tērā heoi mā te ako mā te rāweke hoki ka tutuki pai.
Heoi ko tētahi o ngā momo pātai i puta i te rā nei ko te taha ki te "what does the learning look like at your school?
Me pono ake ahau anō, kātahi anō kua tīmata i tēnei kura, heoi he kura tēnei e whai ana i te Charter school, nā reira he aronga hou, he pūnaha hou, he waiaro rerekē kāore anō kua pā mai ki ahau i roto i taku mahi hei kaiako, engari he pai, he rawe te wheako.
Nā hei hoki atu ki te pātai ko te akoranga o te kura ko te oranga o te tamaiti me te āhuatanga ako o te tamaiti kei te kite i te kura, ka mutu ko te whakarauora i te hāpori me te whakarauora o te reo.
Nā reira hei whakakapi he rawe ngā akoranga kua mau, anō hoki e mihi hoki ki ngā kaiwhakahaere e ngāna ana ki te whakaputa i te reo Māori i roto i ngā kauhau kia rangona whānui ngā tangata i te reo Māori, nā reira e mihi ka tika kia koutou katoa.
