AKO-HANGA-TOHATOHA
Kāti rā, e mihi ana kia koutou. Nui ngā akoranga i whakatau mai ki runga i ahau i te rā nei, ā, kua tino whai honohono ki tēnei momo ao akoranga o te hangarau matihiko.
Kua tīmata ki te wāia haere ki ngā momo tohuwāhi, ngā takiwātanga, ka mutu ko tāku e aro tonu nei ko te mōhiotanga kei reira ērā,ā, kāore au e hoki atu ki te whārangi hou ki te pātoto i tērā ipurangi😂.
Ko tētahi o ngā aronga i tino whai pānga ko te taha ki te "google keep" he taputapu tēnā ka tino kite e au hei whakamahi i roto i tāku mahi kaiako, rawe tērā kūkara hāpai.
Ka mutu ko tētahi o ngā kitenga hei whakawhanake i ahau anō, ko te taha ki te hanga i te maramataka, te hanga hui me te hopu hui, he momo pukenga hou tērā heoi mā te ako mā te rāweke hoki ka tutuki pai.
Heoi ko tētahi o ngā momo pātai i puta i te rā nei ko te taha ki te "what does the learning look like at your school?
Me pono ake ahau anō, kātahi anō kua tīmata i tēnei kura, heoi he kura tēnei e whai ana i te Charter school, nā reira he aronga hou, he pūnaha hou, he waiaro rerekē kāore anō kua pā mai ki ahau i roto i taku mahi hei kaiako, engari he pai, he rawe te wheako.
Nā hei hoki atu ki te pātai ko te akoranga o te kura ko te oranga o te tamaiti me te āhuatanga ako o te tamaiti kei te kite i te kura, ka mutu ko te whakarauora i te hāpori me te whakarauora o te reo.
Nā reira hei whakakapi he rawe ngā akoranga kua mau, anō hoki e mihi hoki ki ngā kaiwhakahaere e ngāna ana ki te whakaputa i te reo Māori i roto i ngā kauhau kia rangona whānui ngā tangata i te reo Māori, nā reira e mihi ka tika kia koutou katoa.
Kia pai ngā rangi whakatā e hoa mā.
"Ko te reo te mauri o te mana Māori."
Kia ora Ata, great to see you are finding skills and tools that will help you in your teaching on the DFI, and that you are sitting with some of the bigger questions that make us think about and see things differently. Please let me know if there's any way I can support you when I'm at TKAoM on Tuesdays.
ReplyDeleteMauri ora Cam.
DeleteDamn it, i must of just missed you on that day.
I am still getting use to checking my blog but i will make it a habit to check it every now and then.
:)
Tēnā anō e Ata,
ReplyDeleteE mihi ana ahau ki ō whakaaro kua tukua ki te ao rangitaki. Tika tāu, he taupānga pai te Mahara Kūkara, he hui ngā āhuatanga o taua mea hei āwhina i a tātou. Tē kite au i tō kiriata kua tāmautia ki te rangitaki nei, ko te taha tohatoha pea te raru, tēnā pānonohia te kōpaki o ngā kiriata ki te 'anyone with link can view'. Māku koe e āwhina ki te whakatikatika taua paku raru :)
Nā Makaore.